Nangin mapuslanon na man ang aton nga adlaw kaupod ang mga pumuluyo sang Barangay North Baluarte, Molo paagi sa aton programa nga Kamalayan — isa ka libre nga legal clinic and forum.
Pila sa mga nangin topiko sa amo nga pagtililipon ang mga problema sa pagkuha kag pagkay-o sang mga legal nga dokumento pareho sang birth certificate kag marriage certificate, socialized housing requirements, recolation, kag utang.
Kaupod naton nga nagbahin sg pila ka mga pagpaathag sanday Ms. Marivel Gargalicana, Chief sg Birth Division sg Iloilo City Civil Registry (CCRO), Mr. John Lester Pallada, Chief sg Corrections Division sg CCRO, EnP. Reste Marion Martizano, Operations Head sg Iloilo City Local Housing Office (ICHLO), kag Benjamin Go, law student sang University of San Agusting.
Gintutukan ni Ms. Gargalicana kag Mr. Pallada ang mga requirements kung may yara sang clerical errors or kinahanglan kuhaon nga dokumento, processing time, kag iban pa.
Si EnP. Martizano na man ang nagpaathag kung ano bala ang mga requirements para mangin qualified sa socialized housing sg siyudad pati man ang pag-identify sang areas nga delikado istaran sang pumuluyo.
Utang na man ang gin-istoryahan kaupod ang law student nga si Benjamin Go.
Madamo man sang mga dugang nga palamangkutanon ang nagtuhaw sang open forum.
Sa amo man nga kahigayunan, aton ginhatagan sg ila uniporme ang 13 ka mga tanod sg barangay.
Madamo nga salamat sa mga nagbahin sg ila tiempo kag nagbulig para matigayon ini — Punong Barangay Alan Aurelio kag mga kagawad, Ms. Cerela David kg Maria Lorie Jaculo, Child Development Workers sg North Baluarte, Ms. Marivel G. Gargalicana kag Mr. John Lester Pallada sang CCRO, EnP. Reste Martizano sang ICHLO, kag Yleika Magbanua kag Mr. Benjamin Go sang USA College of Law.
Padayon naton nga itib-ong ang tawhanon nga kinamatarong sang tagsa ka Ilonggo!