Padayon ang aton pagdul-ong sang legal nga serbisyo paagi sa programa nga Kamalayan, isa ka libre nga legal clinic kag forum.
Kahapon nagtipon kita sa Barangay San Rafael, Mandurriao. Gintutukan sa forum ang pagparehistro, pagkay-o sang mga sala sa mga dokumento pareho sang birth certificate, ang mga palamangkutanon angot sa duta, kag ang papel sang Lupon Tagapamayapa sa barangay.
Ginpaathag nanday Ms. Marivel G. Gargalicana kag Mr. John Lester Pallada, mga Division Chief sang Iloilo City Civil Registry Office (CCRO), ang mga requirements kag proseso sa pagkay-o sang mga dokumento kag ang exemption sa mga balayran.
Si EnP. Reste Marion F. Martizano, Operations Head sang Iloilo City Local Housing Office (ICLHO), na man ang nagtutok sang mga programa sang ila opisina pareho sang relocation kag resettlement. Si Mr. Reylan Vergara, Chief of Staff sang aton opisina, ang nagpaathag sang papel sang Lupon Tagapamayapa.
Madamo nga salamat kay Punong Barangay Elmer Tiaño kag Kagawad Eroll Galvez sang Barangay San Rafael, kag sa tanan nga opisyales, tanod, kag pumuluyo sang barangay para matigayon ini.