Padayon ang aton programa nga Kamalayan, isa ka libre nga legal clinic kag forum, sa Barangay Cochero, Molo.
Nangin sentro sang forum ang utang, ang mga palamangkutanon angot sa duta, kag ang papel sang Lupon Tagapamayapa, kaupod ang mga law student sang University of San Agustin College of Law nga nanday John Zymon Ecol, Cindy Lou Lura, kag Kezia Dollolasa.
Halin na man sa ATIPAN Center, gintutukan ni Ma. Carmela Espora ang medical kag financial assistance services sang siyudad pareho sang MEDISEN+ Program (free medicines) kag HAPLOS Program (laboratories & hospitalization coverage), kag kung paano ma avail ang mga ini.
Nag-abot man kag naghatag sang mensahe si Atty. Jonnie Dabuco, Regional Director sang Commission on Human Rights Regional Office 6.
Madamo nga palamangkutanon ang ginsabat sa open forum. Matapos ini, aton man ginhatagan sang ila uniporme ang mga tanod sang barangay.
Salamat, Kap Marebel Dariagan kag Kagawad Vivian Binoy sang Barangay Cochero, kag sa tanan nga opisyales nga nagbulig para matigayon ini.
Salamat man sa aton partner institutions — University of San Agustin College of Law – Clinical Legal Education Program (CLEP), sa pagpamuno ni Atty. Anfred Panes, CHR Regional Office VI, ATIPAN Center, kag ang opisina ni Mayor Raisa Treñas sa pagsuporta sang aton nga programa.