Padayon ang aton nga pagsugilanon sa mga kabaranggayan paagi sa programa nga Kamalayan — isa ka libre nga legal clinic and forum nga aton ginhiwat sa Barangay San Juan, Molo.
Nangin sentro sang pagtililipon kag diskusyon ang juvenile delinquency. Kaupod naton nga nagbahin sg pila ka mga pagpaathag sanday Ms. Mary Joy Acana, Social Welfare Officer sang Promotive Services Division sang DSWD kag PMSg Erika Benjamin sang Women and Children Protection Desk (WCPD) sang ICPO.
Gintutukan ni Ms. Mary Joy Acana ang mga kabangdanan ngaa nagakatabo ini sa iban nga pamatan-on. Iya ginbahin ang mga rason pareho sang sala nga pagdisiplina, peer pressure, mga bisyo, ang palibot, kag genetic disposition.
Si PMSg Ericka Benjamin na man ang naghatag dugang nga ihibalo kung ano ang responsibilidad sang WCPD kag ano ang mahimu sang pumuluyo kung may yara sila sg reklamo.
Madamo man sang mga dugang nga palamangkutanon ang nagtuhaw sang open forum nga gintinguhaan man mahatagan sang pagpaathag kaupod ang aton mga resource person kag ang aton opisina. Sa amo man nga kahigayunan, aton ginhatagan sg ila uniporme ang 34 ka mga tanod sg barangay.
Madamo nga salamat sa mga nagbahin sg ila tiempo kag nagbulig para matigayon ini — Punong Barangay Jose Martin Maloto, Barangay Secretary Marivic Delgado, mga opisyales, kag pumuluyo sg San Juan, Molo; Ms. Mary Joy Acana kag Ms. Camille Grace R. Diestro, Social Welfare Officers sg DSWD Field Office 6; Ms. Karla Bretaña kag Ms. Notie Cabaling, Project Development Officers sang 4Ps; PMSg Erika Benjamin kg PLT Marites Delay sang WCPD ICPO; Ms. Yleika Magbanua kg Mr. Benjamin Go sang USA College of Law.
Padayon naton nga itib-ong ang tawhanon nga kinamatarong sang tagsa ka Ilonggo!
Ang Brgy. San Juan MALAYA at may MALAY, may KAMALAYAN.