Liwat kita nagsaulog sang adlaw sang mga tagipuso-on kaupod ang aton mga lolo, lola, nanay kag tatay sa ika lima nga tuig sang SENIOR MOMENTS, nga ginhiwat sa SM at Iloilo Terminal Market.
Ang tema subong nga tuig amo ang “GANITO KAMI NOON,β tungod indi lamang paghanduraw sang nagliligad kundi ginpamatud-an sang aton mga katigulangan nga mabaskog pa sila kag may ikasarang maghampang sang mga larong pinoy kaangay sang tumba patis, limbo rock, sipa kag memory games pareho sang Name that Tune, kag matching games nga malaka nalang ginahampang sang aton mga kabataan.
Kapin 300 ka mga senior nagikan sa pito (7) ka distrito sang syudad ang nagpasakop. Ginumpisahan ang programa paagi sa isa ka Yoga kaupod si Ms. Ma Lucy Muralla. Ini ginsudnan sang pahampang kaupod ang aton official media partner – 107.9 WIN Radio.
Pormal nga ginbuksan ang Senior Moments ni Girl City Councilor Bianca Ysabelle Teo. Naghatag man sang mensahe bilang tiglawas ni Mayor Raisa TreΓ±as, si Councilor Lyndon Acap. Ginsundan man sang mensahe kanday Dr. Elpidio A. Locsin Jr., (President, Federation of Senior Citizens Association of the Philippines (FSCAP) – Iloilo City), Mr. Jerduen βNoiβ Dongor (President, Chamber of Commerce Industry (PCCI) Iloilo Chapter), Adrian Tam (Building Administration Officer sg SM Iloilo Terminal Market), kag John Rex Baltazar Jr. RN (Adviser, Paulinian Nursing Students Organization).
Sa amo man nga kahigayunan, naghiwat kita sang presentation kag pinning ceremony sang mga Senior Interns kaupod ang mga partner employers sa pagpamuno sang PESO Iloilo City.
Bilang pasalamat, nanghatag man kita sang mga handumanan nga loot bag β ang tela nga gingamit nagikan sa mga condemned linens sang Park Inn by Radisson kag gintahi sang aton mga kababainhan sa Homeless People’s Federation Phil. Inc.
Madamo gid nga salamat ilabi na asa aton mga partners sa inyo padayon nga pagsuporta sa Senior Moments. Ang aton opisina ang padayon nga nagapati nga ang aton mga seniors may ikasarang kag labing importante nga kabahin sang aton komunidad.